ҲАМОИШИ АФСАРЗАНОНУ ҶАВОНДУХТАРОНИ ҶУЗЪУ ТОМҲОИ ҚУВВАҲОИ МУСАЛЛАҲ

Бахшида ба 29-солагии Қувваҳои Мусаллаҳи Ҷумҳурии Тоҷикистон дар толори Кумита Ҳамоиши афсарзанони мақомоти ҳифзи ҳуқуқ ва сохторҳои қудратии мамлакат дар мавзӯи "Нақши занон дар таҳкими тарбияи ватандӯстии ҷавонон ва ғояҳои арзишҳои миллӣ" баргузор гардид. Дар Ҳамоиши мазкур раиси Кумитаи кор бо занон ва оилаи назди Ҳукумати Ҷумҳурии Тоҷикистон-Қурбонзода Ҳилолбӣ, муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон-Аҳмадзода Дилноза,  муовини Вазири корҳои дохилии Ҷумҳурии Тоҷикистон-Иброҳимзода Нозим, собиқадори соҳа-Рафиқа Мӯсоева, шоирони халқии Тоҷикистон-Аскар Ҳаким ва Меҳринисо Бобобекова иштирок ва суханронӣ намуда, аз хизмати содиқонаву софдилонаи хизматчиёни ҳарбӣ, аз ҷумла занону бонувон изҳори сипос карда, ба онҳо барои уҳдадориву масъулиятҳои минбаъдаашон барору комёбӣ таманно намуданд. Дар фарҷом ба як қатор иштирокчиён ва фаъолони чорабинӣ сипоснома ва тӯҳфаҳои хотиравии таъсиснамудаи Кумита тақдим гардид.