Мо минбаъд низ мақоми занонро дар ҷомеа баланд бардошта, мавқеи онҳоро дар татбиқи сиёсати иҷтимоии давлат дастгирӣ менамоем.

Эмомалӣ Раҳмон

Лоиҳаҳо

                                                                                   ТАШАББУСИ ЛОИҲАИ "НУРИ РӮШНОӢ"

 

Қарори Ҳукумати Ҷумҳурии Тоҷикистон аз 24 майи соли 2021, №186 “Дар хусуси лоиҳаи ёддоштҳои табодулӣ дар мавриди амалисозии Барномаи муштараки Созмони Милали Муттаҳид оид ба ташаббуси "Нури рӯшноӣ"  қабул гардид.

Мутобиқи табодули ёддоштҳо дар мавриди амалисозии Барномаи мазкур миёни муовини Сарвазири Ҷумҳурии  Тоҷикистон муҳтарам Сатториён Матлубахон ва Ҳамоҳангсози кишвари СММ дар Тоҷикистон Сезин  Синаноглу  (мактуб аз 1 июли соли 2021, №4/24-13) сурат гирифт. Тибқи номаи мазкур Кумитаи кор бо занон ва оилаи назди Ҳукумати Ҷумҳурии Тоҷикистон ҳамоҳангсози миллӣ вобаста ба амалишавии лоиҳаи мазкур муайян гардидааст. Лоиҳа дар шаҳру ноҳияҳои ҳадафнок: шаҳри Исфара ва ноҳияи Б.Ғафурови вилояти Суғд, ноҳияҳои Восеъ ва Ёвони вилояти Хатлон, шаҳри Ҳисор ва ноҳияи Рӯдакӣ ва шаҳри Душанбе аз моҳи сентябри соли 2021 то июни соли 2022 амалӣ мегардад.

Барномаи муштараки Созмони Милали Муттаҳид оид ба ташаббуси "Нури рўшноӣ" аз ҷониби Иттиҳоди Аврупо маблағгузорӣ мешавад. Маблағҳои пешбинигардида тибқи Барнома тавассути сохторҳои Созмони Милали Муттаҳид (UN-WOMAN, UNDP, UNISEF, UNFPA) ва 16 Ташкилоти ҷамъиятии аз ҷониби СММ интихобгардида  амалӣ шуда истодааст.

Тибқи супориши Роҳбари Дастгоҳи иҷроияи Президенти Ҷумҳурии Тоҷикистон аз 17 августи соли 2021, №2114(25-5) барои амалӣ намудани Барнома ва баргузор намудани чорабиниҳои банақшагирифташуда як қатор вазорату идораҳо сафарбар шудаанд.

Илова кунед