Аёдати сарбозони Ватан

   Бахши кор бо занон ва оилаи мақомоти иҷроияи ҳокимияти давлатии шаҳри Леваканд  дар якҷоягӣ бо намояндаи бахши маориф, бахши САҲШ ва муассисаи таълимии ЛКСК Аксияро тахти унвони "Мо модарон ба аёдати фарзандон- сарбозони Ватан меравем" дар қисми низомии 07017- и воқеъ дар ноҳияи Кушониён бо афсарону аскарон ба роҳ монданд.

Мудири бахши кор бо занон ва оила Халилова Нуқра  афсарону аскаронро барои хизмати софдилона изҳори сипосгузорӣ намуда, ҷавонмардонро даъват бар он намуданд, ки хизмат дар сафи Қувваҳои мусаллаҳ қарзи ҳар як ҷавонмарди баору номуси тоҷик буда,шукронаи Сулҳу субот, тинҷию оромӣ, Ваҳдат ва Истиқлолият намуда, сарбаландона хизмати Модар- Ватанро адо намоянд.