Мулоқот дар доираи таҷлили чорабиниҳои сиёсӣ

Зимни баргузории чорабинӣ вобаста ба хизматҳои шоёни фарзонафарзанди миллати тоҷик Президенти маҳбуби кишвар муҳтарам Эмомалӣ Раҳмон дар роҳи таҳкими Истиқлоли давлатӣ ва сарҷамъии миллати тоҷик ибрози андеша карда шуданд.

Ҳамзамон, роҷеъ ба Иҷлосияи тақдирсози миллат ва қабули Парчами давлатӣ андешаҳо пешниҳод карда шуда, масъалаи таъмини иҷрои Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону ҷавондухтарони лаёқатманд матраҳ гардиданд.

Дар чорабинӣ фаъолон бо Сипосномаи Кумитаи кор бо занон ва оилаи назди Ҳукумати Ҷумҳурии Тоҷикистон бахшида ба Рӯзи Президенти Ҷумҳурии Тоҷикистон сарфароз гардонида шуданд ва барномаи идонаи консертӣ ба чорабинии мазкур ҳусни анҷом бахшид.