Бо мудирони шуъба ва бахшҳои кор бо занон ва оилаи вилояти Суғд семинари омӯзишӣ баргузор гардид

Семинари мазкур дар доираи амалишавии "Барномаи давлатии рушди оила дар Ҷумҳурии Тоҷикистон барои солҳои 2024-2028" ва "16-рӯзи мубориза алайҳи хушунат" дар шаҳри Хуҷанд баргузор гардид.

Муовини якуми раиси Кумитаи кор бо занон ва оилаи назди Ҳукумати Ҷумҳурии Тоҷикистон Нуруллозода Фирӯза ҷиҳати ҳадафмандона дар амал татбиқ намудани барномаҳои давлатии самти кор бо занон ва оила, ҳамзамон, баланд бардоштани маърифати ҳуқуқӣ ва оиладории шаҳрвандон, тарбияи комили фарзандон, пешгирии омилҳои номтлуби ба носолим гардидани оилаҳо мусоидаткунанда аз иштирокдорон даъват ба амал овард.

Машғулияти омӯзишӣ бо баррасии Нақшаи амали Барномаи давлатии рушди оила дар Ҷумҳурии Тоҷикистон анҷом ёфт.