Дар шаҳри Кӯлоб бо иштироки занону бонувон ҳамоиши иттилоотӣ доир шуд

Ҳамоиши мазкур дар доираи "Барномаи давлатии рушди оила дар Ҷумҳурии Тоҷикистон барои солҳои 2024-2028" бо мақсади ҷалби занону бонувон ба фаъолияти меҳнатӣ дар идораҳои давлатӣ, шуғли доимӣ ва мавсимӣ, тақвияти фаъолияти касбии онҳо ба роҳ монда шуд.

Муовини Раиси Кумитаи кор бо занон ва оилаи назди Ҳукумати Ҷумҳурии Тоҷикистон Абдулмаинзода Заррина иброз дошт, ки имрӯз Ҳукумати Ҷумҳурии Тоҷикистон тамоми шароитро барои фаъолияти меҳнатии занону духтарон фароҳам овардааст. Аз ин рӯ моро зарур аст, ки борои пешбурди фаъолияти меҳнатии худ масъулиятнок бошем ва барои ободию пешрафти мамлакат саҳми назаррас гузорем.

Инчунин, доир ба масъалаҳои пешгирии омилҳои номатлуби ҷомеа, аз таҳсил дур мондани духтарон, ҷалби занону духтарон ба корҳои давлатӣ, фаъоляти соҳибкории занону бонувон, истифодаи самараноки маблағҳо грантӣ, аз ҷумла, грантҳои Президенти Ҷумҳурии Тоҷикистон, ки заминаи боэътимод барои таъсиси ҷойҳои корӣ мебошад, тибрози назар карда шуд.

Гуфта шуд, ки шумораи занон дар тамоми соҳаҳои хоҷагии халқи мамлакат сол то сол зиёд шуда истодааст, ки аз таваҷҷуҳи доимии Роҳбарияти Олии мамлакат шаҳодат медиҳад.

Амалӣ гардидани Стратегияи миллии фаъолгардонии нақши занон дар ҷомеа барои солҳои 2021-2030 ва Барномаи давлатии тарбия, интихоб ва ҷобаҷогузории кадрҳо аз ҳисоби занону духтарони лаёқатманд маҳз ба ҳамин мақсад равона гардида, дар ин замина чорабиниҳои сиёсиву омӯзишӣ пайваста роҳандозӣ гардида истодаанд.