Ташрифи иштирокчиёни Форуми байналмилалии "Наврӯз-иди занони ваҳдатсаро" аз Ҷумҳурии Узбекистон ба Тоҷикистон

Ҳайати расмиро Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода ва Раиси ноҳияи Мастчоҳ Аъзам Ализода пешвоз гирифтанд.

Маросими пешвозгирӣ дар фазои гарму самимӣ доир шуда, меҳмононро бо анъанаи миллии тоҷикӣ — нону асал ва гулдастаҳои зебо истиқбол гирифтанд. Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода меҳмонро хуш омадед гуфта, аз номи мардуми Тоҷикистон барои ташрифи ҳайати расмии кишвари бо мо дӯсту бародар - Узекистон изҳори сипос кард.

Зимни истиқбол ҷонибҳо аҳамияти таҳкими дӯстиву ҳамкории дуҷонибаро таъкид намуда, аз рушди муносибатҳои гуногунҷанбаи Тоҷикистону Узбекистон изҳори қаноатмандӣ намуданд.