Курси омӯзишии “Мактаби сарварӣ” дар сатҳи маҳал оғоз гардид!

Бо ташаббуси Кумитаи кор бо занон ва оилаи назди Ҳукумати Ҷумҳурии Тоҷикистон дар доираи нақшаи амали “Барномаи давлатии тарбия, интихоб ва ҷобаҷогузории кадрҳои роҳбарикунандаи Ҷумҳурии Тоҷикистон барои солҳои 2017-2022” курси омӯзишии “Мактаби сарварӣ” барои занону духтарони лаёқатманди мақомоти иҷроияи ҳокимияти давлатии ноҳияи Варзоб дар осоишгоҳи “Гулобод” оғоз гардид.

Мақсад аз баргузории курси мазкур ҷалб ва пешбарӣ намудани занону духтарон ба хизмати давлатӣ ва дигар самтҳои роҳбарикунанда мебошад.