Кӯдакон ва ояндаи онҳо

          Аёдати пирону барҷомондагон, ятимону бепарасторон, маъюбону ниёзмандон яке аз фазилатҳои неки инсонӣ буда, мададрасон ва кӯмакрасони ин ё он табақаи ниёзманд будан инсонро шарифу комил мегардонад.
      Дар партави ташаббусҳои инсондӯстона ва халқпарваронаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон роҳбарияти Кумитаи кор бо занон ва оилаи назди Ҳукумати Ҷумҳурии Тоҷикистон тарбиятгирандагони Муассисаи давлатии “Маркази дастгирии оила ва кӯдаки №2”-и шаҳри Душанберо аёдат намуд.
      Зимни аёдат суҳбати самимонаю модаронаи Раиси Кумита бо бошандагони кӯдакистон сурат гирифта, тарбиятгирандагон бо лафзи ширину равони кӯдакона барои изҳори муҳаббату шафоат ба меҳмонон сипосмандии худро иброз намуданд.